အိမ်ထောင် တစ်ခုမှာ လိင်မှုဘဝ ကျန်းမာ အဆင်ပြေမှ သာယာ ချမ်းမြေ့မှု ကို ရရှိနိုင်ပါတယ်။ ကျန်းမာတဲ့ လိင်မှုဘဝ ရရှိစေဖို့ရာအတွက် အိမ်ထောင်ရှင်တွေဟာ တစ်ဦးကိုတစ်ဦး ချစ်မြတ်နိုးမှု ရှိသင့်သလို သစ္စာတရားလည်း ထားရှိဖို့ အရေးကြီးပါတယ်။
အိမ်ထောင်သည်တိုင်း သိသင့်သော အခြေခံအချက်များ
အဆင်ပြေတဲ့ လိင်မှုဘဝဆိုတာ အိမ်ထောင်ရှင် စုံတွဲတွေကြားမှာ မတူကွဲပြား နေပါတယ်။ အကြောင်းကတော့ အိမ်ထောင်သည်တိုင်းမှာ မတူညီတဲ့ လိင်မှုဘဝ လိုအပ်ချက်တွေ ရှိနေလို့ပါ။ ဒီလို အကြောင်းအရာတွေက ကျယ်ပြန့်လှတာကြောင့် အိမ်ထောင်သည်တိုင်း သိထားသင့်တဲ့ ကျန်းမာတဲ့ လိင်မှုဘဝအကြောင်း အခြေခံအချက်တွေကို ဖော်ပြလိုက်ပါတယ်။
-အိမ်ထောင်ဖက် နှစ်ဦးစလုံး စိတ်ကျေနပ်မှု ရှိရပါမယ်။
-တစ်ဦးက ငြင်းဆန်တဲ့အခါ အတင်းအကျပ် တောင်းဆိုတာမျိုး မလုပ်သင့်ပါဘူး။ ဘယ်လိုအချိန်၊ ဘယ်လို အခြေအနေမှာမဆို ငြင်းဆန်ပိုင်ခွင့် ရှိရပါမယ်။
-တစ်ဦးနဲ့တစ်ဦး အပြန်အလှန် တန်ဖိုးထား လေးစားမြတ်နိုးမှုရှိဖို့ လိုအပ်ပါတယ်။
-လိင်မှုဆိုင်ရာ အတွေ့အကြုံတွေနဲ့ ပတ်သက်လာရင် ပွင့်ပွင့်လင်းလင်း ပြောပြတာ၊ ဝန်ခံတာမျိုး ရှိသင့်ပါတယ်။
အန္တရာယ်ကင်းပြီး စိတ်ချရသော လိင်မှုဘဝ
အန္တရာယ်ကင်းပြီး စိတ်ချရတဲ့ လိင်မှုဘဝ ရရှိစေဖို့ သင်နဲ့ သင့်အိမ်ထောင်ဖက် နှစ်ဦးစလုံးဟာ တစ်လင်တစ်မယား စနစ်ကို ကျင့်သုံးဖို့ အထူးအရေးကြီးပါတယ်။ ဆိုလိုတာက တခြားသူတစ်ဦးနဲ့ ထိတွေ့ဆက်ဆံမှု (Sex) လုံးဝ မရှိဖို့ပါ။ ဒါဆိုရင် သင်တို့မှာ HIV နဲ့ တခြားလိင်မှတစ်ဆင့် ကူးစက်တတ်တဲ့ ရောဂါတွေ ကင်းစင်နေမှာဖြစ်ပြီး တစ်ဦးနဲ့တစ်ဦး ရောဂါဖြန့်ဝေတဲ့ အဖြစ်မျိုးလည်း မရှိနိုင်တော့ပါဘူး။ တကယ်လို့ အပျော်ရှာမိတဲ့အခါ လိင်မှတစ်ဆင့် ရောဂါကူးစက်မှု မခံရအောင် အကောင်းဆုံး ကာကွယ်နည်းက ကွန်ဒုံးကို နည်းလမ်းတကျနဲ့ မှန်မှန်ကန်ကန် အသုံးပြုဖို့ပဲ ဖြစ်ပါတယ်။
ချစ်စိတ်တိုးစေသည့် အရာများ
ဇင့်(သွပ်)ဓာတ်ရရှိစေတဲ့ ကမာနဲ့ အစိမ်းရောင် ဟင်းသီးဟင်းရွက်တွေဟာ အိမ်ထောင်ရှင် အမျိုးသားတွေကို စွမ်းဆောင်ရည် ကောင်းမွန်စေပါတယ်။ ချီကာဂိုမြို့မှ အနံ့နဲအရသာဆိုင်ရာ လတ်တလော လေ့လာမှုတွေအရ နွယ်ချိုနဲ့ ဒိုးနပ်မုန့်ဝိုင်း အနံ့တွေက အမျိုးသားတွေရဲ့ လိင်အင်္ဂါဆီ သွေးစီးဆင်းမှုကို ၃၂ ရာခိုင်နှုန်း၊ လာဗန်ဒါရနံ့နဲ့ ရွှေဖရုံယိုအနံ့တွေက ၄၀ ရာခိုင်နှုန်း အသီးသီး တိုးစေတယ်လို့ ဖော်ပြထားပြီး သခွားသီးအနံ့နဲ့ သကြားလုံးအနံ့တွေကတော့ အမျိုးသမီးတွေရဲ့ လိင်အင်္ဂါတွေမှာ သွေးစီးဆင်းမှုကို တိုးစေကာ အသားကင်အနံ့နဲ့ ချယ်ရီသီး အနံ့တွေကတော့ လျော့ကျစေတယ်လို့ ဖော်ပြထားပါတယ်။
သက်ကြီး အိမ်ထောင်ရှင်များ သာယာစေရန်
သင်နဲ့ သင့်အိမ်ထောင်ဖက်ဟာ ကျန်းမာရေး ကောင်းမွန်နေတယ်ဆိုရင် ဘယ်အသက်အရွယ်ပဲရောက်ရောက် ချစ်ချစ်ခင်ခင် အတူ နေထိုင်နိုင်ပါတယ်လို့ ကျွမ်းကျင်သူတွေက ဆိုပါတယ်။ အိုမင်းတဲ့ ဖြစ်စဉ်တစ်ခုတည်းကြောင့် ခင်ပွန်းနဲ့ဇနီး ချစ်ချစ်ခင်ခင် မနေရဘူးဆိုတာ မဖြစ်သင့်ပါဘူး။ ဒီအချိန်မှာ အတူနေဖို့ အဆင်မပြေရင်တောင် လက်ချင်းဆုပ်ကိုင်တာ၊ ပွေ့ဖက်တာ၊ အကြင်နာပေးတာ စတဲ့ အရေပြားချင်း ထိတွေ့မှုမျိုးနဲ့ ကြည်နူးသာယာမှု ရယူနိုင်ပါတယ်။ ဒီလို အရေပြားချင်း ထိတွေ့မှုကြောင့် ခန္ဓာကိုယ်ထဲမှာ အောက်ဆီတိုစင် ဟော်မုန်းတွေ အထွက်တိုးပြီး စိတ်ကြည်နူး ချမ်းမြေ့မှုကို ရရှိစေပါတယ်။
No comments:
Post a Comment